Парга како најубав град на брегот на областа Епир, се наоѓа на спротивната страна од островот Крф или пак на оддалеченост од околу 60 км на југ од градот Јанина. Парга е место кое со својот изглед и со својот дух потсеќа на старите медитерански градови. Се наоѓа покрај малиот залив, амфитетрално спуштајќи се кон морето, опкружена со шуми и вегетација на маслинови дрва. Романтичните улици со мали куќи и мноштво ресторани, таверни и кафулиња, претставуваат главна негова карактеристика. Темпото на космополитскиот дух кој преку денот привидно мирува, ја доживува својата кулминација во прекрасните вечерни часови. Парга има долга традиција и прекрасна архитектура. Прекрасните плажи како Валтос и Лихнос, кои се простираат покрај блиските заливи, одморот во Парга го претвараат во постојано истражување. За многуте туристи во Парга, секако дека централното место го завзема старата тврдина која го дели градот на два дела. Погледот од неа кон малото пристаниште или кон градската плажа претставува вистинска поетска инспирација. Престојот во Парга, надополнет со мноштвото излети во нејзината околина претставува, прекрасен летен одмор. Во самата делта на реката Ахерон, или од митологијата попозната како реката "Стикс", се наоѓа местото Амудиа. Oва живописно место, според своите природно географски посебности, ќе ви овозможи во исто време да уживате на неговата голема и песочна плажа, доколку посакате да пливате, ловите риба или пловите со брод низ реката Ахерон, да ги почувствувате и нејзините благодети.
За сместување во Парга ви препорачуваме:
VILLA MATHINA
Вилата е убава куќа, лоцирана на десната страна на Парга во близина на патеката која води кон големата плажа Валтос. Во својот состав, овој објект брои неколку студија кои се опремени со потребен мебел, сопствен тоалет, мини кујна, ТВ, Wi-Fi, клима уред, како и балкони со поглед кон градот. Нивната уреденост и локација, како и одличниот сервис на домаќините, ги издвојуваат како одличен објект за сместување при престојување во прекрасната и единствена Парга. Вилата има убаво уреден двор со ѕидана скара, маса и столици.
ПОЗНАТИТЕ ПЛАЖИ ВО БЛИЗИНАТА ПАРГА >>
Валтос (Valtos) е прекрасна песочна плажа долга 3 километри и е една од најпопуларните помеѓу туристите кои се сместени во Парга и околината. Оваа живописна плажа е дијамантот на Парга и локалните жители се навистина горди на нејзината природна убавина и прекрасен поглед. Нејзините спектакуларни предели биле богат извор на инспирација за сликарите и фотографите. Иако е доста посетена поради својата големина несомнено секогаш ќе имате место на истата. На само 3 км оддалеченост од Парга покрај прекрасното кристално море и ситниот песок од оваа плажа која е опкружена со зеленило ви се нуди уникатен поглед кон старата тврдина од едната страна и кон отвореното море поглед кон осторовите Паксос и Антипаксос. На самата плажа се нудат разни спортски активности како возење со кану, скутер на вода и слично... На оваа плажа не постои соодветен ноќен живот. За услугите преку ден оваа плажа е опкружена со неколку ресторани, кафулиња и таверни кои ги нудат своите услуги во текот на денот.
Крионери (Krioneri Beach) главната градска плажа во Парга се наоѓа во непосредна близина од центарот на градот. Од оваа плажа има прекрасен поглед кон малиот остров Панагија посветен на Богородица. До островчето се стигнува со педалинка, бротче или за оние похрабрите – со пливање. На оваа плажа има барови, таверни и интересни спортски активности, со што се допринесува секое лето да е преполна со туристи.
Писо Крионери (Piso Krioneri) е плажа која се наоѓа веднаш до Крионери. Според многумина, на оваа плажа водата е најубава за капење и нуди и прекрасна глетка на околината. На карпите околу плажата се наоѓа црквата наречена Св.Атанасиос која ви препорачуваме да ја посетите.
Лихнос (Lichnos Beach) е одалечена 4,7 километри јужно од Парга. Oваа плажа е една од најубавите плажи и најпосетените во овој регион. Во близина на плажата Лихнос (5 мин пешачење ) се наоѓа пештера посветена на божицата Афродита. Oваа плажа има и песок и камчиња, а водата е чиста. До неа се стигнува пешки, со автомобил или со брод. Прекрасната глетка на оваа плажа која успешно е комбинирана на зелени маслинови градини, синилото на ведро небо и јасно кристално морска вода, ја прави една од најомилените плажи на туристите. За љубителите на спортови на вода Лихнос е идеална бидејки на оваа плажа се нуди широк спектар на спортови на вода, како што се риболов, џет ски, нуркање, сурфање и параглајдерство Исто така, оваа плажа е препорачлива за оние што го обожаваат сончањето, релаксирање под сенка или возење на педалинки со цел да го истражуваат Јонското Море. Не многубројните ресторани, таверни и кафетерии на гостите им обезбедуваат висококвалитетни услуги во текот на денот.
Саракинико, која се наоѓа на 19 километри од Парга, е една од поубавите плажи во областа и нуди мирно и релаксирачко место за одмор. Во позадина на плажата има маслинова градина која присонесува за уникатен амбиент за моменти со семејството или романтичен одмор. Пливањето, педалики, кануа, риболов, нуркање се само некои од можностите за рекреација на оваа помалку позната плажа на Парга. Извонредната грчка кујна, освежителни коктели и уникатното гостопримство на четирите таверни на оваа плажа, како и прекрасното зајдисонце се непроценливи.
Името на овој остров е добиено од локален мит за пиратите на Саракини, кои некогаш, по ненадејна летна бура, биле преплашени и побарале засолниште тука. Тие се преправале дека се трговци и побарале помош од локалното население во областа. Локалните жители со задоволство се согласиле да им помогнат на несреќните морнари и дури два дена подоцна ги поканиле на венчавка. Пиратите прифатиле и иако нивниот брод бил подготвен да плови, се приклучи на свадбениот прием со цел да ја грабнат невестата. Но нивниот план бил неуспешен и поради нивната неблагодарност биле казнети од локалното население и фрлени во заливот кој од тогаш. Го задржал името Саракинико.
Agios Ioannis, Парга
Мала прекрасна плажа лоцирана на 6 километри од Парга. Плажата е со бели камчиња, бел песок и сина боја на морето. Опкружена е со планини и ритчиња.Овие планини ја заштитуваат плажата од силни ветришта и лоши временски услови. Единствениот дел од советите што треба да ги дадеме на туристите е да носат чевли кога пливаат бидејќи морскиот под е прилично карпест. Има место за паркирање на вашиот автомобил, а потоа по поплочен пат се спуштате надолу за да стигнете до плажа.