Пефки - најпознатото и најомилено одморалиште за нашите туристи на вториот по големина грчки остров Евиа, се наоѓа на околу 60 километри од Волос (околу 50 километри Волос-Глифа)-(мало пристаниште), фериботско возење (20-30 минути), околу 10 километри од Агиокампос (мало пристаниште на северот на Евиа) - Пефки).
Од плажата во Пефки и од рестораните и кафулињата покрај брегот, има прекрасен поглед на островите Скијатос и Скопелос, како и влезот во заливот на Волос. Климата е исклучително пријатна, благодарение на комбинацијата на големи области борова шума и маслинови дрвја, кристално чисто море и исклучително поволна географска положба. Островот е познат по своите бесконечни песочни плажи, културни и историски места, манастири и недопрена природа што овозможуваат безброј можности за уживање и разгледување. Пефки има рибарско пристаниште и изобилува со пријатни ресторани, таверни, кафулиња, многу разни продавници, бутици, златарници, намирници и пазар на риби, каде што можете да купите свежа риба фатена од локалните рибари. Градот ги нуди сите можности за пријатен и убав одмор. Пефки е погоден за млади луѓе, но исто така е одлично место за семеен одмор со прекрасна широка плажа.
За сместување ви препорачуваме:
VILLA FEI
Вила ФЕИ се наоѓа во центарот на местото Пефки, на самото шеталиште покрај море. На приземје во вилата се наоѓа кафич, располага со апартмани за две лица распоредени на приземје и Прв кат. Апартманите се опремени со спална соба комплетно опремена кујна, тераса, ТВ, клима.
VILLA CAVO D' ORO
Вилата се наоѓа во местото Пефки, на прва линија до море. Вилата располага со студија за сместување на две или три лица. Секоја од собите има комплетно опремена кујна, тоалет, тераса, ТВ и клима. Во склоп на вилата се наоѓа ресторан-пицерија која на плажа има свои лежалки и чадори, кои со нарачан пијалок или кафе може да ги користите во текот на денот.